Մարգարյան ծննդատան կանանց կոնսուլտացիա էր դիմել 5-րդ հղիությամբ, 15 շաբաթական ժամկետում բազմածին կին և վերցվել հաշվառման։

Կլինիկական ախտորոշումը` բարդացած մանկաբարձական անամնեզ, վիճակ 2 կեսարյան հատումներից հետո, բարդացած սոմատիկ անամնեզ, վարիկոզ հիվանդություն, թրոմբոզ, կոագուլոպաթիա։

Նախկին ծննդաբերություններն ավարտվել էին 1 կենդանի երեխայի առկայությամբ և 3 մահացած պտուղներով` հասուն ժամկետներում: 3 դեպքից 1-ի ժամանակ եղել է նորմալ տեղակայված ընկերքի վաղաժամ շերտազատում)։

Հղիության վարման ընթացքում կատարվել էին անհրաժեշտ հետազոտություններ,  որոնց հիման վրա անց էր կացվել  հայտնաբերված ախտաբանությունների համապատասխան բուժում։

Հղիության ընթացքում վաղաժամ ծննդաբերության սպառնալիքի կապակցությամբ 4 անգամ հոսպիտալացվել է բարձր ռիսկի հղիների բաժանմունք, ստացել անհրաժեշտ բուժում, նաև կատարվել է պտղի դիստթրես համախտանիշի կանխարգելում։

Թիմային պրոֆեսիոնալ աշխատանքի շնորհիվ 5-րդ ծննդաբերությունից, արդեն 3-րդ անգամ կեսարյան հատման ճանապարհով կնոջը պարգևեցինք 2-րդ առողջ, կենսունակ երեխային։

Բժիշկ մանկաբարձ-գինեկոլոգներ` պրոֆ. Արմեն Կ. Բլբուլյան, Սոֆյա Ա. Մինասյա, Ալլա Գ. Ղազարյան, նեոնատոլոգ Հրանուշ Թ. Բախշյան